macOS пайдаланушыларына Сіз macOS жүйесі үшін қолжетімсіз Браузердің бета-нұсқасының Анықтамасын қарап отырсыз. macOS жүйесіне арналған Браузер негізгі нұсқаның Анықтамасында сипатталған.

Құрылғылар арасында Браузерді синхрондау

Синхрондау — бұл құрылғыларыңыздағы Браузерлер арасында деректер алмасу. Деректерді аралық сақтау үшін Яндекс сервері қолданылады, онда ақпарат қорғалған арна бойынша, ал құпиясөздер шифрланған түрде беріледі. Сервердегі деректер авторлану жүйесімен қорғалған. Синхрондау құрылғыңыз жоғалған немесе бұзылған болса, барлық құрылғылардан деректерге қатынауды және деректерді қалпына келтіруді қамтамасыз етеді.

Синхрондау не үшін қажет?

Әдепкісінше Тақта, бетбелгілер, құпиясөздер, карталар, автотолтыру деректері, тарих, қойындылар және қойындылар топтары (егер оларды топтар мәзірінде бұлттық еткен болсаңыз), кеңейтімдер және баптаулар синхрондалады.

Синхрондау сізге мынадай мүмкіндік береді:

• синхрондалған құрылғыларда құпиясөздер менеджерін қолдану (құпиясөздерді автоматты түрде қою, құпиясөздерді шифрланған қоймада сақтау, егер сіз мастер-құпиясөзді ұмытып қалсаңыз, сайтқа кіруді қалпына келтіру);

• синхрондалған құрылғыларда қойындылар мен қойындылар топтарын (егер оларды топтар мәзірінде бұлттық еткен болсаңыз), тарихты және бетбелгілерді қарау;

• құрылғы істен шыққан жағдайда да, құпиясөздер, бетбелгілер, Тақта, қойындыларды және Браузердің баптауларын қалпына келтіру.

Кез келген сәтте сіз синхрондауды өшіре аласыз немесе синхрондағыңыз келетін деректер тізімін өзгертуіңізге болады.

Деректер қаншалықты жиі синхрондалады?

Синхрондауды енгізгеннен кейін, ол серверде сақталған деректерді өзгерткен сайын орындалады. Мысалы: сіз құрылғыға бетбелгі қосасыз — Браузер оны серверге жібереді және басқа құрылғыларда жасаған барлық өзгерістеріңізді бір уақытта жүктейді (соңғы синхрондау сәтінен бастап).

Синхрондауды қалай қосуға болады?

Синхрондауу келесі шарттар орындалғанда жұмыс істейді:

• Барлық құрылғыларда (компьютер, смартфон, планшет) Яндекс Браузер орнатылған.

• Барлық құрылғыларда бірдей Яндекс ID қолданылады.

Синхрондауды қосу үшін:

1.  → Синхрондау → Деректерді сақтау батырмаларын басыңыз.

2. Яндекс ID-мен кіріңіз. Синхрондау іске қосылады.

3. → Синхрондауды баптау опциясын басыңыз.

4. Қай деректерді синхрондау керектігін көрсетіңіз

Синхрондау қосылмайды

Windows 7

Windows басқа нұсқалары

Браузер операциялық жүйеде орнатылған түбірлік сертификаттарды пайдаланады, сондықтан сертификатқа қатысты мәселені жүйеде шешуіңіз керек:

1. 32 биттік Windows 7 немесе 64 биттік Windows 7 үшін жаңарту пакетін жүктеңіз.

2. Жаңарту пакетін іске қосыңыз және оның орнатылуын күтіңіз.

3. Компьютерді қайта жүктеп, синхрондауды қосыңыз.

4. Егер синхрондау қосылмаса, сертификатты қолмен жаңартыңыз:

   1. Мұрағатты жүктеңіз.

   2. Оны өзіңізге ыңғайлы жерге ашыңыз.

   3. certificate update қалтасын ашыңыз.

   4. Тінтуірдің оң жақ батырмасымен update.bat файлын басыңыз және Әкімші атынан іске қосу тармағын таңдаңыз.

   5. Пәрмендер орындалғаннан кейін компьютерді қайта жүктеп, синхрондауды қосыңыз.

Браузерді жаңартып көріңіз. Егер бұл көмектеспесе, бізге жазыңыз.

Синхрондау үшін деректер тізімін өзгерту

1.  → Баптаулар → Жалпы баптаулар → Синхрондау → Синхрондау баптаулары тармағын басыңыз.

2. Опцияларды тек қажетті деректер синхрондалатындай етіп қосыңыз.

Толығырақ біліңіз

• Тарихты синхрондау

• Қойындылар мен топтарды синхрондау

• Бетбелгілерді синхрондау

Синхрондалған деректерді жою

Барлық синхрондалған құрылғылардан деректерді жою үшін:

1.  → Баптаулар → Жалпы баптаулар → Синхрондау → Синхрондау баптаулары тармағын басыңыз.

2. Синхрондалған деректерді жоюды басыңыз.

3. Деректерді жою керек пе? терезесінде Иә, жою түймесін басыңыз.

Содан кейін сіздің деректеріңіз серверден, ал келесі синхрондау сеансы кезінде — аккаунтыңызға қосылған барлық синхрондалған құрылғылардан жойылады.

Синхрондауды өшіру

1.  → Баптаулар → Жалпы баптаулар → Синхрондау → Синхрондау баптаулары тармағын басыңыз.

2. Синхрондауды өшіруді басыңыз.

Қолдау қызметіне жазу